الرئيسيةاليوميةس .و .جالتسجيلدخول

شاطر | 
 

 برجك بالبحراني

اذهب الى الأسفل 
كاتب الموضوعرسالة
احمذوه
عضو
عضو


عدد المساهمات : 112
تاريخ التسجيل : 26/07/2009
العمر : 30

مُساهمةموضوع: برجك بالبحراني   الإثنين أغسطس 03, 2009 1:48 am

20 يناير الى 18 فبراير
برج الخوصه:
هدا برج الخوصه اكو مبين من اسمه يعني اللي مولود في هالبرج ضعيف مضعرط ما ياكل .. او ساعات تشوفه يفكر أو ما تدري ويش اللي يفكر فيه لانه مخه ما يشتغل مشير يعني .. اللي يميز هدا البرج انه ناري أو كله يبي يتهاوش ولين يتهاوش كله مرگعينه ..


19 فبراير الى 20 مارس
برج الرسته:
صاحبه عنيف وقوي ما يهمه شي واذا جماعه طبوا عليه أيشلخهم كلهم عساهم لو فمانية انفار .. مزوح وما يحب الهدره واجد .. طيب أو على نياته ..ساعات يقصون عليه .. يعني قوي او ما فيه مخ ..

21 مارس الى 19 أبريل
برج الدوشگ((اللحاف)):
من اسمه امبين عليه اطبانة نوووم .. يحب الحياه ويحب يدور في سيارته (الدتسون) ويا چفة الخمة المصبنة يعني .. كريم يصرف على الموتر ازيد من يصرف على روحه .. اذا عنده دينار يشتري اليه باليس ويضرب سيارته ولا يأخذ صابون وينظف روحه ..

20 أبريل الى 20 مايو
برج الفانيلة المچتفة:
هدا واحد شايت الدنيه جوتي .. اكل او نوم او كوره .. كل ما تقول ليه دور شغل يقول .. ما امبي اشتغل .. بس الشي الوحيد اللي مخلنه حلو عند الناس .. انه ما يرد احد في طلب .. لكن نحيس ساعات مو واجد ..

21 مايو الى 21 يونيو
برج العوسج:
مواليد هدا البرج ناس اوادم طيبين حلوين .. ما فيه قرقر واجد .. يعني رجال رزين .. يقدر الحياه الزوجيه ويكره العزوبيه والعزابين .. احب اچوف كل الناس معرسين نفله .. فيه عيب واحد .. القص .. احش واجد..

22يونيو الى 22 يوليو
برج الباميه:
احسن برج من بين الابراج .. ليش؟ لانه واحد جنتل مان يعني كشخه وكل بدله من عند امه تلبسه اياه وابوه عنده خير ( الله يغربله هو وابوه ( أو كل يوم سياره جديده ويا الدريول عبدعلي .. بس اللي باط جبدي انه يفهم في المدرسه (خبري اللي عندهم بيزات اليك عليهم شوي ..

23 يوليو الى 22 أغسطس
برج الدفه:
صاحب او صاحبة هالبرج شغل عدل .. مكيف اربع وعشرين ساعه .. يحب يطالع المسلسلات المكسيكية .. اموت في شي اسمه السيف ياطالع ياداش يا داش يا طالع .. واجد اروح سوق الأحد اللي في عالي وسوق الخميس اللي في دوار4 .. بس ما يشتري شي .. لانه كله مفلس وعليه ديون (من فوق الله الله ومن تحت .. خرمبرم( ..

23 أغسطس الى 22 سبتمبر
برج ميرندا ليمون (السترس) مشروب البحارنة:
هدا عاااااد يحب البريه ويحب يروح صوب الصفاصف يدور بلابيل .. شغلته بس يحدق اليهم .. طيب ورزين وحبَوب .. يحب من الأكل اللوبه والخبز الاسمر (طالع على العصافير ماله) .. قليل النوم .. ساعات تشوفه اتدق عليه ويصوفر ابروحه ( الله يفبت علينه العقل( ..

23 سبتمبر الى 22 أكتوبر
برج السچين:
واحد دكي وغبي في نفس الوقت ( شفيها ركبها ما اعرف) .. ملول وما يطاوع احد .. ساعات يطلع بره ويا ربعه الصبيان يهاجلون شبة الشمس .. وساعات وينك يالسيكل .. يدور من محل الى محل (اتقول عاطينه قنطراز) .. الشي المميز فيه .. شعره كشه ونعاله زنوبة وكبوس حريقة عليه حرفه تعرفه من بعيد ..

23 أكتوبر الى 21 نوفمبر
برج السعفه:
واحد غريب كله ضايق خلقه وبس .. ما يطلع من بيتهم .. ما يتكلم ويا احد .. ساعات اروح من صباحة الله خير يشتري خبز دبل ويقعد يزحر ويا چاي حليب .. مفلس وما يشتغل .. اهم ما يميزه انه ما يضر احد (أحسن شي يسويه) ..

22 نوفمبر الى 21 ديسمبر
برج الموتر:
شخص غريب الاطوار .. لو تقعد وياه ما يعطيك لا حق ولا باطل .. يحب يلعب كورة في الرسته .. اتشوفه مبدل ويروح الحوطه يقعد اليه شوي .. يحب كل الناس .. تشوفه ساعات مفهي.. ما تدري في ويش ايفكر (من كفر عماراته الزايده يمكن) .. اهم ما يميزه انه رقيق ..>>عداااااال

22 ديسمبر الى 19 يناير
برج النخج و الباگلة:
هدا من اصعب الناس اللي يمكن يواجهك في حياتك .. تقوله يمين يقولك يسار .. اتقوله فوق يقولك تحت .. غربال .. نصيحه مني اذا عرفت واحد من هالبرج سوى روحك ما تشوفه واشرد بسرعه عنه لا يعديك .. لانه سمعت لك خبر انه هالايام الابراج تعدي .. وخصوصاً برج النخج والباگلة..

[b]
الرجوع الى أعلى الصفحة اذهب الى الأسفل
Abooodz
عضو متطور
عضو متطور
avatar

عدد المساهمات : 268
تاريخ التسجيل : 27/07/2009

مُساهمةموضوع: رد: برجك بالبحراني   الإثنين أغسطس 03, 2009 1:54 am

مشكوررررررررر ..

تسلم أخي أحمذوه على المشاركة

لكن أشلون برجي مو موجود affraid

بالتوفيق flower

الرجوع الى أعلى الصفحة اذهب الى الأسفل
BECKHAM
مشرف عتبة الابداع والشعر
مشرف عتبة الابداع والشعر
avatar

عدد المساهمات : 157
تاريخ التسجيل : 26/07/2009
العمر : 108

مُساهمةموضوع: رد: برجك بالبحراني   الإثنين أغسطس 03, 2009 1:57 am

اقتباس :
برج السعفه:
واحد غريب كله ضايق خلقه وبس .. ما يطلع من بيتهم .. ما يتكلم ويا احد .. ساعات اروح من صباحة الله خير يشتري خبز دبل ويقعد يزحر ويا چاي حليب .. مفلس وما يشتغل .. اهم ما يميزه انه ما يضر احد (أحسن شي يسويه) ..


Sad لا تعليق Sad

_________________
الرجوع الى أعلى الصفحة اذهب الى الأسفل
أبو عيسى
عضو
عضو


عدد المساهمات : 91
تاريخ التسجيل : 27/07/2009
العمر : 34

مُساهمةموضوع: رد: برجك بالبحراني   الإثنين أغسطس 03, 2009 1:52 pm

ههههههههههههه مشكور احمذوه ابراج ما ليها حل حدها ونستني
بس يا خوك برجنا مو خوش دور لينا غير
مشكور مره ثانيه ولا تحرمنا طلتك الحلوه
سلااااام عليكم
الرجوع الى أعلى الصفحة اذهب الى الأسفل
konan8
عضو
عضو
avatar

عدد المساهمات : 79
تاريخ التسجيل : 27/07/2009

مُساهمةموضوع: رد: برجك بالبحراني   الثلاثاء أغسطس 04, 2009 5:58 am

هههههههههه مافي برج طايح على واحد لكن يلا
فن اخوي الابراج كثر منها
الرجوع الى أعلى الصفحة اذهب الى الأسفل
alo8osh
عضو مبتدئ
عضو مبتدئ
avatar

عدد المساهمات : 28
تاريخ التسجيل : 28/07/2009
العمر : 26

مُساهمةموضوع: رد: برجك بالبحراني   الثلاثاء أغسطس 04, 2009 6:18 am

برجي : برج الدوشگ((اللحاف))

هههههههه في بعض الصفات تنطبق عليي

وبعضها خير شر ما تنطبق عليي

المهم مشكووور على الموضوع
الرجوع الى أعلى الصفحة اذهب الى الأسفل
 
برجك بالبحراني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: عتبات التعارف والدردشة :: عتبة الفرفشة-
انتقل الى: